1. Нийтлэг үндэслэл

Хэрэглэгчид нь Giga Post платформыг ашиглахтай холбоотой асуудлуудыг зохицуулах үүднээс бий болгосон энэхүү үйлчилгээний нөхцлийг хүлээн зөвшөөрсний үндсэн дээр тус платформыг бүртгүүлэн ашиглаж буй гэж үзнэ.

2. Хориотой зүйлс

Maнай сайт хэрэглэгчдэд аюулгүй, баталгаатай үйлчилгээ хүргэхийн тулд хэрэглэгчдийн зүгээс дараах үйлдлүүдийг хориглоно:

Монгол улсын болоод олон улсын хуулиар хориотой үйлдэл хийх, хуулиар хориотой үйлдэлд бусад хэрэглэгч болон хүмүүсийг уриалах, санал болгох, хийхэд нь туслах.
Серверт хүндрэл учруулах, ажиллуулахад саад болох үйлдэл, бусад хэрэглэгчдийн холбогдох боломжид санаатай саад хийсэн үйлдэл.
Сайтад холбогдсон бусад хэрэглэгчид, мэдээллийн бүрэн бүтэн байдал, хэвийн ажиллагаа, нууцлал, хамгаалалт зэрэгт нөлөөлж болохуйц буюу нөлөөлсөн үйл ажиллагаа хийх, нууц үг, цахим шуудангийн хаяг болон бусад хэрэглэгчийн мэдээллийг хулгайлах, зөвшөөрөлгүй хуулж авах ашиглах.
Зохиогчийн эрхийг зөрчин бусдын оюуны өмчийг эзнийх зөвшөөрөлгүй оруулах. (Нэр эсвэл хаяг, эх сурвалжийг дурдалгүй хуулбарлан нийтлэх, ашиглах. Үүнд хууль бус програм хангамж, кино, дуу, бичлэгүүд, зураг зэргийг зохиогчийн эрх зөрчин оруулах, нийтлэх бүх үйлдлийг хамруулан ойлгоно.)
Амиа хорлох, өөрийгөө болон бусдыг тамлах талаар сурталчлах, заах сургах, уриалах
Мансууруулах бодис хэрэглэхийг сурталчлах, уриалах
Хууран мэхлэх, бусдын мэдээллийг хулгайлах, дамжуулах, цуглуулах зорилготой нийтлэл, сэтгэгдэл болон бүх төрлийн үйлдэл.
Худал хуурмаг мэдээллүүд нийтлэх түгээх.
Улс төрийн зорилготой болон бусад зорилготой гүтгэлэг, бусдын эрх, нэр төрд халдсан материал нийтлэх.
Бусдын хувийн мэдээлэл, хувийн нууцыг зөвшөөрөлгүй дэлгэх.
Нийтээр хүлээн зөвшөөрөгдсөн ёс суртахууны хэм хэмжээг зөрчсөн вэб сайт, сошил холбоос болон сурталчилгаа, холбогдох мэдээлэл, холбоос оруулах, тараахыг хориглоно.
Вирүс, спам тараах болон хорлон сүйтгэх, тагнах, мэдээлэл хулгайлах зорилготой бусад үйлдлүүд.
Өөрөөс бусад хүний нэрийг барих, төлөөлөх компани, байгууллагатай хамааралтай болгож зарлах, өөр хэн нэгний дүрс бичлэг, хувийн мэдээлэл, фото зургийг ашиглах, өөрийн зураг хэмээн ашиглахыг хориглоно.
Насанд хүрэгчдэд зориулсан, 18 наснаас доош насны хүүхэд уншихад тохиромжгүй ба тохиромжгүй байж болох бүх төрлийн агуулгыг Зөвхөн насанд хүрэгчдэд гэсэн анхааруулга санамж сануулахгүй байхыг хориглоно.
Ёс суртахууны хэм хэмжээг зөрчсөн бусад бүх үйлдлүүд.

3. Хэрэглэгчийн эрх, үүрэг

Хэрэглэгчид нь нийтээр хүлээн зөвшөөрсөн ёс суртахууны хэм хэмжээ, Зохиогчийн эрхийн болон бусад Монгол улсын болоод олон улсын хууль дүрэм, журмуудыг сахин биелүүлэх үүрэгтэй.
Хэрэглэгчид нь Giga Post үйлчилгээний нөхцөлийг дагаж мөрдөх үүрэгтэй.
Ёс суртахууны хэм хэмжээг баримталж бусдыгаа хүндэлж соёлтой харилцах үүрэгтэй.
Giga Post үйлчилгээний нөхцөлийг зөрчсөн болон зөрчсөн байж болзошгүй нийтлэл болон хуудас, сэтгэгдэл харсан үзсэн тохиолдолд тухай бүрт репорт хийн мэдэгдэх үүрэгтэй.
Giga Post нь үйлчилгээний нөхцлийг өөрчлөн, шинэчлэх эрхтэй. Хэрэв хэрэглэгч өөрчлөлтийг эс зөвшөөрвөл цаашид уг платформыг хэрэглэх боломжгүй гэж үзнэ.

Giga Post үйлчилгээ үзүүлэгчийн эрх, үүрэг

Үйлчилгээ үзүүлэгч нь Giga Post платформын арчилгаа, аюулгүй найдвартай байдал, Хэрэглэгчийн хуудас болон Үйлчилгээтэй холбоотой мэдээллийг хадгалах, хамгаалах, нөөцлөх зэрэг үйл ажиллагааны жигд байдлыг хангах үүрэгтэй.

Giga Post үйлчилгээтэй холбоотой мэдээ, мэдээллийг хэрэглэгчдийн удирдлагын самбар болон албан ёсны вэб хуудасаар дамжуулан мэдэгдэж байна.

Хэрэглэгчийн нийтэлж буй контентод туссан санаа, үзэл бодол, үнэн зөв байдал, байр суурийн өмнөөс Giga Post нь хариуцлага хүлээхгүй.

2021 он