Эрт унтаж нойроо хангалттай сайн авахын давуу талууд:

• Та шөнийн турш хангалттай сайн нойр авснаар бие тань шинэчлэгдэж, эрч хүч авч, дархлаагаа дэмждэг.

• Эрт унтсанаар та гүн нойрсож ой санамж болон сурах үйл явцад сайнаар нөлөөлдөг. Эрт унтаж эрт босдог хүн амьдралдаа илүү их амжилттай байдаг.

Хэт оройтож унтах, нойр дутуу байхын сул талууд:

• Хэрвээ нойрны дутагдалтай байвал стрэссдэж энэ нь таны зан чанар, ой санамж, аливааг сурах үйл явц хийгээд өдрийн үр бүтээмжид муугаар нөлөөлдөг.

• Та нойр дутуу байснаар илүү ядарч, энэ нь таныг илүү их идэж бага хөдлөхөд хүргэдэг. Энэ бол таргалалтын нэг том шалтгаан.

• Хэт оройтож унтах нь маргааш нь хэтрүүлж унтах эсвэл өдөр дуг хийхэд болон өглөөний чухал хичээл, ажлаасаа хоцрох, алгасахад хүргэдэг ба энэ нь цаашлаад стрэссийг улам бүр нэмэгдүүлдэг.

• Хэт оройтож унтсанаар та өглөөний унд, өглөөний үр бүтээмжтэй цагийг алддаг. Энэ нь тэр өдрийн турш ядрангуй үр бүтээмж багатай байхад нөлөөлдөг.

• Дархлааг сулруулна.

• Удаан хугацааны хор уршигт нь зүрх судасны өвчин, даралт, таргалалт, сахрын өвчин гэх мэт өвчлөлийн эрсдэлийг нэмэгдүүлдэг ба ханиад томуу тусах эрсдэл гурав дахин их байдаг.

Нойроо хэрхэн зөв зохицуулж сайн нойрсох вэ? Завгүй байх тусам нойроо зөв зохицуулах нь таны эрүүл мэндэд амин чухал. Заримдаа орондоо эрт орсон ч унтаж чадахгүй үеүд байдаг. Тэгвэл дараах зөвлөгөөг хүргэе.

• Өдөр бүр тогтмол цагт орондоо орж мөн тогтмол цагт босох. Баасан гарагт нь оройтож унтаад бямба ням гаргуудад илүү их унтдаг ба энэ нь нойрны тогмол цагийг эвддэг. Энэ нь зарим талаараа тус болдог ч гол асуудлыг шийдэж чадахгүй.

• Та хамгийн багадаа 6 цаг унтах ёстой. Ер нь ойролцоогоор 8 цаг унтах нь хамгийн тохиромжтой гэж үздэг.

• Дасгал хийх эсвэл бие махбодиороо идэвхтэй байх. Гэхдээ унтах цагаас дор хаяж 4 цагийн өмнө дасгалаа хийчихсэн байх.

• Унтахаасаа дор хаяж 2-3 цагийн өмнө хүнд хоол эсвэл хөнгөн зууш идэхээс зайлсхийх.

• Унтлагын өрөөг сэрүүхэн, чимээгүй, харанхуй болгох.

• Оройн routine буюу оройн дадал зуршлуудыг бий болгох. Жишээ нь: дуу сонсох, залбирах, white noise сонсох гэх мэт...унтахдаа бэлддэг байх.

• Унтахын өмнө сошилоор хэсэх, эсвэл кино үзэхгүй байх.

• Орондоо ороод хичээл хийх юмуу эсвэл ТВ үзэхгүй байх. Орондоо орсон нь унтах л үүрэгтэй гэдгийг санах

• Унтахаасаа өмнө хамгийн багадаа гучин минутын өмнө гар утсаа унтраах.

• Унтах цагаасаа 15-30 минутын өмнө тайвширч удаашрах.

• Кофе болон кафейн агуулсан цай, ундаа уухгүй байх.

• Унтахын тулд дарс архи гэх мэт алкохол хэрэглэхгүй байх.

• Өдөр удаан олон цагаар унтахгүй байх. 20-30 минутаас илүү дуг хийхгүй байх.

• Гэр бүлийхэнтэйгээ эсвэл хамтран амьдардаг хүнтэйгээ ярилцах (Хэрвээ унтдаг цаг нь өөр эсвэл танд унтахад садаа болдог бол).

• Ороо тухтай байлгах (Матрас нь зөөлөн тухтай, дэр нь тохиромжтой гэх мэт)